филиал вгтрк государственная телерадиовещательная компания “Алания”

Дзæуджыхъæуы 680 бирæфатерон хæдзарæй 203 цæттæ сты хъармгæнæн сезонмæ. Горæты администрацийы цур арæзт ведомствоты хсæн къамис къæпхæнгай бæрæг кæны куыстыты хæрзхъæддзинад. Аразынц сæ разамынддæттæг компанитæ, цæрæнуæтты хицæутты æмбаладтæ, цæрæуæтты æмæ арæзтадон кооперативтæ. Къамисы хыгъды сты бынæттон администрацийы кусджытæ, цæрæнуæтты æмæ архитектурон-арæзтадон цæстдарды паддзахадон Службæйы, стæй дондзæуæн куыстуаты специалисттæ. 15-æм сентябрьмæ бирæфатерон хæдзæрттæ хъуамæ цæттæ уой фæззыгон-зымæгон сезонмæ. Уыцы рæстæгмæ разамынддæттæг компанитæ хъуамæ бафыссой цæттæдзинады акттæ.