Арæзт цæуы ныр 2-аг аз «Фыццæгты змæлд»-ы гранты фæрцы
Тæмисчъы цæуы тематикон фæлтæр «Фыдыбæстæйы уарт». Арæзт цæуы ныр 2-аг аз «Фыццæгты змæлд»-ы гранты фæрцы. Фæлтæр бабæрæг кодтой проекты зондамонджытæ, сæ хыгъды Уæрæсейы Хъæбатыр, республикæйы фæллойы æмæ социалон рæзты министр Абайты Юрий æмæ фæсивæды хъуыддæгты фæдыл комитеты сæрдар Джусойты Руслан. Рæзгæ фæлтæрæн арæзт æрцыдысты дæсныйадæвдисæг ахуыртæ æмæ ерыстæ. Бæлвырддæр радзурдзæн Хъайтмазты Дзерассæ.
Хæцæнгарз райхалын æмæ сæмбырд кæнын, æхсæн цæттæдзинады бындуртæ базонын, командæйы кусын сахуыр кæнын – уыдон сты æфсæддон-патриотон проект «Фыдыбæстæйы уарт»-ы хай. Радон фæлтæр цæуы сывæллæтты реабилитацион центр «Тæмисчъы» бындурыл. Программæйы – 5 тематикон блокы. Сæ хыгъды – æхсты æмæ тактикон медицинæйы бындуртæ, æнæпилотон тæхæн аппараттимæ куыст, физикон цæттæдзинад. 4-æм рады архайджытæ куыд зæгъынц, афтæмæй ахуыртæ æрмæст пайдайаг нæ, фæлæ цымыдисаг дæр сты.
Проект «Фыдыбæстæйы уарт» æххæстгонд цæуы дыккаг аз «Фыццæгты змæлды» гранты фæрцы. Ацы аз зондамонджытæ сты Уæрæсейы Хъæбатыр, республикæйы фæллойы æмæ социалон рæзты министр Абайты Юрий æмæ фæсивæды хъуыддæгты фæдыл комитеты сæрдар Джусойты Руслан. Уыдон æрмæст архайджыты цæттæдзинад нæ федтой, фæлæ ма сæхæдæг дæр сæ тыхтæ бавзæрстой тематикон фæзты, сывæллæттæн радзырдтой сæ фæлтæрддзинады тыххæй.
Ацы азы программæйы фæзынд ног къабаз – сывæллæтты райдыдтой ахуыр кæнын æнæпилотон тæхæн аппараттимæ кусын. Инструкторты разамындæй рæзгæ фæлтæр зонгæ кæнынц дронтимæ архайыны бындуртимæ æмæ æххæст кæнынц практикон хæслæвæрдтæ. Мадзаларазджытæ куыд зæгъынц, афтæмæй нырыккон технологитæ рагæй систы æфсæддон-патриотон цæттæдзинады хай.
Ацы аз проект аххæссыд 9 мин сывæллоныл æппæт республикæйæ. Ууыл йæ архайд не рлæудзæн. Ног азы ахæм фæлтæртæ уыдзысты сывæллæтты лагерьтæ «Тæмискъ» æмæ «Урсдон»-ы.
