Уымæ гæсгæ рæзгæ фæлтæр бынаты ориентаци кодтой, зонгæ кодтой æфсæддон экипировкæимæ, ахуыр кодтой фыццаг медицинон æххуыс кæныныл
Лагерь «Звездочка»-йы сывæллæттæн сарæзтой цымыдисаг мадзал. Уымæ гæсгæ рæзгæ фæлтæр бынаты ориентаци кодтой, зонгæ кодтой æфсæддон экипировкæимæ, ахуыр кодтой фыццаг медицинон æххуыс кæныныл. Ахæм фæлтæрæнты фæрцы сывæллæттæ сæ арæхстдзинад равдыстой, ахуыр кодтой компасæй пайда кæныныл æмæ зын уавæры æмархайд кæныныл. Мадзал бацæттæ кодтой «Фыццæгты змæлд»-ы активисттæ патриотон æмæ физикон хъомылады программæмæ гæсгæ. Бæлвырддæр радзурдзæн Хъайтмазты Дзерассæ.
Компас къухты, цæстæнгасы фидардзинад. Афтæмæй лагерь «Звездочка»-йы хъомылгæнинæгтæ араст сты бынат иртасынмæ. Уый у спортивон ориентаци кæнынæй ерыс. Хуымæтæг хæслæвæрд нæу: бæлвырд рæстæгмæ ссарын æмбæхст æххуысгæнæн нысантæ. Се ппæтæй рæвдздæр ацы хъуыддаг сæххæст кодта командæ «Алани».
Лæварæн уæлахиздзаутæ райстой адджын приз. Байуæрстой йæ æппæт отрядыл. Ацы хъазт сын сарæзтой «Фыццæгты змæлд»-ы активисттæ комплексон мадзалмæ гæсгæ. Йæ нысан у патриотон æмæ физикон хъомылад. Рæзгæ фæлтæр банкъардтой хæстон атмосферæ: федтой автоматтæ, гранатæтæ, нæмгуытæ, абарстой бронежилеттæ, каскæтæ… Алцыдæр Уæрæсейы гæрзифтонг тыхты экспозицийы руаджы. Рæзгæ фæлтæрæн радзырдтой, фыццаг медицинон æххуыс кæнын куыд хъæуы, уый дæр. Фыццаг теорийы, уый фæстæ практикæйы.
Пайдайаг хъазты фæрцы сывæллæттæ базыдтой, бирæ ног ахсджиаг информаци.
«Фыццæгты змæлд»-ы активисттæ Цæгат Ирыстоны алы лагерьты ахæм мадзæлттæ арæх фæкæнынц.
Николай Лесник – «Фыццæгты змæлд»-ы цæгатирыстойнаг хайады сæйраг специалист: «Данные мероприятия крайне важны для ребят, поскольку они способствуют интеллектуальному, физическому развитию подрастающего поколения. Дети учатся азам первой помощи, изучают тактическую медицину, могут попилотировать реальные беспилотные летательные аппараты. Также, узнают об истории и учатся работать с компасом. Это несет комплексное воспитание не только физическое, но и интеллектуальное, духовно-нравственное».
Разæй сывæллæттæм æнхъæлмæ кæсынц ног радтæ, рекордтæ æмæ проекттæ. Фæлæ сæйрагдæр бамбæрстой ныридæгæн: алкæддæр хъæуы кæрæдзийæн æххуыс кæнын.
