Цæгат Ирыстоны командæ чемпионаты хатдзæгтæм гæсгæ бацахста 3-аг бынат
Уæрæсейы гвардийы тыхджындæр спортсментæ æппæт Цæгат Кавказæй сæмбæлдысты иу гауызыл хуыздæр самбистты сбæрæг кæнынæн. Цæгат Ирыстоны командæ чемпионаты хатдзæгтæм гæсгæ бацахста 3-аг бынат. Дыккаг бынатмæ рацыд Дагестаны командæ. Уæлахиздзаутæ систы Кæсæг-Балхъары спортсментæ. Бæстондæр радзурдзæн Чехойты Фатимæ.
Зындгонд сын цы техникæ у, æмæ азæй азмæ цы фæлтæрдтыл фæхæст сты, уыдон самбойæ хæсджытæ цæттæ сты гауызыл равдисынмæ. Уæрæсейы гвардийы Цæгат Кавказы зылды чемпионат райдыдта кадджын уавæры. Территориалон управленитæй æмæ ведомствæйы иугондтæй 66 тыхджындæр спортсмены ерыс кæнынц сызгъæрин майдантæ рамбулыныл.
Чемпионатмæ цæттæгæнгæйæ национ гвардийы хæйтты сарæзтой ерыстæ, сæ уæлахиздзаутæ рацыдысты регионты *хсæн къæпхæнмæ. Кæсæг-Балхъарæй Рамазан Шхашимишев — дунейы чемпион рæттыл хъæбысæйхæстæй, æнтыстджынæй архайы самбойы дæр.
Æнæ хæцæнгарзæй хи хъахъхъæныны системæ фæзынд Советон Цæдисы. Быдурæн ын равзæрстой дзюдо, джиу-джитсу æмæ бæстæйы адæмты национ хъæбысæй хæсты хуызтæ. Чемпионаты архайы 10 командæйы. Ацы уникалон спорты хуызы ерыс кæнынц 8 уæзы категорийы.
Службæ кæнын æмæ уыцы иу рæстæг спорты архайын æнцон хъуыддаг нæу, фæлæ ацы æрыгон лæппутæн æнтысы. Ерысты уæлахиздзаутæ сентябры ацæудзысты Балашихæмæ, уым арæзт æрцæудзæн Уæрæсейы гвардийы чемпионат.
