Уацмыстæ ратæлмац кодта Хуссар Америкæйы зындгонд драматург æмæ фыссæг, Лев Толстойы номыл культурæйы институты президент Рубен Дарио Флорес Арсила
Цæгат Ирыстоны паддзахадон университеты арæзт æрцыд Хетæгкаты Къостайы æмдзæвгæты æмбырдгонды презентаци испайнаг æвзагыл. Уацмыстæ ратæлмац кодта Хуссар Америкæйы зындгонд драматург æмæ фыссæг, Лев Толстойы номыл культурæйы институты президент Рубен Дарио Флорес Арсила. «Вселенная Отечество мое». Ахæм сæргондимæ рацыд æмбырдгонд. Баст у нæ номдзыд поэты райгуырды бонимæ. Чиныджы бакæсæн ис канд Къостайы æмдзæвгæтæ нæ, фæлæ ма фенæн ис йæ нывтæ æмæ ирон адæмы архивон хуызистытæ. Зæгъдзыстæм ма уый дæр, æмæ ацы чиныг у куыд ирон адæмы культурæйы æмæ традициты фæндагамонæг. Презентацийы архайдтой республикæйы хицауады минæвæрттæ, культурæйы æмæ наукæйы архайджытæ.
