Ныхас цыд районы социалон-экономикон рæзтыл, æмæ фыццаградон лыггæнинаг фарстатыл
Цæгат Ирыстоны премьер-министр Дзанайты Барисы разамындæй Рахизфарсы районы арæзт æрцыд Хицауады æмбырд. Ныхас цыд районы социалон-экономикон рæзтыл, æмæ фыццаградон лыггæнинаг фарстатыл. Боны фæткмæ ма рахастой, республикæйы Сæргълæууæджы амынддзинæдтæ, национ проекттæ æмæ паддзахадон программæтæ куыд æххæстгонд цæуынц, стæй Рахизфарсы районы санитарон уавæр æмæ аивдзинады куыстытæ, фæндæгтæ æмæ зæххы ахастдзинæдтæ цы уавæры сты, уый. Уæвгæ, национ проектты æмæ паддзахадон программæты архайд дæтты хорз хатдзæгтæ. Район рæзы. 2027-æм- 2028-æм азтæн уыцы нысантæн радих кæндзысты 150 милуан сомы. Уыдонæй царды рауадзынмæ хъавынц 5 проекты. 2026-æм азы Рахизфарсы районы мадзæлтты иумæйаг фæрæзты бæрц фæфылдæр 770 милуан сомæй. Сарæзтой æмæ дзы сцалцæг кодтой 43 объекты. Сидзæр сывæллæттæн æмæ æрыгон бинонтæн радтой цæрæнуæттæ, стæй баххуыс кодтой теракты хъыгдардбаййафджытæн. 3 проекты ма сты – сывæллæтты аивадон скъолайы арæзтад, рæвдауæндæтты бындурон цалцæг, «зондджын фæзты» арæзтад, мемориалон уæлмæрд «Зæдты горæт»-ы аивдзинад, æппæтадæмон музейон-патриотон центры экспозицийы арæзтад, 32 фæндаджы цалцæг.
