Мадзал баиу кодта стоматологон æмæ онкологон къабæзты специалистты
Цæгат Ирыстоны паддзахадон медицинон академийы арæзт æрцыд дисциплинæты хсæн симпозиум «Онкопрофилактика. Онкоскрининг. Онкореабилитация». Мадзал баиу кодта стоматологон æмæ онкологон къабæзты специалистты. Архайдтой дзы 200 адæймаджы онг. Раззагдæр специалисттæ Мæскуыйæ, Пермæй, Барнаулæй æмæ Цæгат Ирыстонæй. Уымæй дарддæр симпозиумы архайдтой Цæгат Ирыстоны паддзахадон медицинон академийы студенттæ, медицинон организациты сæйраг дохтыртæ æмæ æнæниздзинадхъахъхъæнынады къабазы специалисттæ. Форумы архайджытæ æрныхас кодтой профилактикæйы нырыккон мадзæлттыл æмæ рагдиагностикæйыл. Уæлдай æргом аздæхтой пациентты реабилитацийы мадзæлттæм. Симпозиум саразджытæ куыд загътой, афтæмæй низ рагацау рабæрæг кæнгæйæ, дзæбæх кæныны мадзæлттæ вæййынц ахадгæдæр. Зæгъдзыстæм ма уый дæр, æмæ симпозиум саразыныл бакуыстой Уæрæсейы Стоматологон организаци, Цæгат Ирыстоны æнæниздзинадхъахъхъæнынады Министрады стæй паддзахадон медицинон академийы æххуысæй.
