Сбæлвырд кодтой хызты уавæр, баивтой зæронд æхгæнæн арматурæтæ, сцалцæг кодтой газы хæтæлты 20 километрæй фылдæр
Куыстуат «Газпром газораспределение Владикавказ»-ы специалисттæ сæхи бацæттæ кодтой фæззыгон-зымæгон сезонмæ. Сбæлвырд кодтой хызты уавæр, баивтой зæронд æхгæнæн арматурæтæ, сцалцæг кодтой газы хæтæлты 20 километрæй фылдæр. Базылдысты æппæт инфраструктурæмæ. Бæлвырддæр раудзæрдзæн Хъайтмазты Дзерассæ.
Ацы газуарæн пункт Зоя Космодемьянскæйы уынджы бындуронæй 60-æм азтæй нæ цалцæг кодтой. Ифтонггæрзтæ нал бæззынц, къуылымпыдзинæдтæ сæвзæрыны гæнæн уыд цыфæнды афон дæр, уымæ гæсгæ Газпромы филиалы специалисттæ сфæнд кодтой куыстыты комплекс сæххæст кæнын.
Ацы газрегулировкæгæнæн пункт æрдзон хорзæхæй æххæст кæны æнæхъæн район. Специалистты ныхæстæм гæсгæ, цæрджытæ йæ куыстæй никуы хъаст кодтой.
Ахæм газуарæн пункттæй фæстæмæ ма ис æфсæн скъаппы чи ис, ахæмтæ дæр. Горæты сты 153. Фæззыгон-зымæгон сезонмæ цæттæ кæнгæйæ, дзы иуæй-иутæ баивтой. Зæгъæм, иу сæвæрдтой Весеннийы уынджы 37-æм хæдзары. Зæронд объект организацийы хыгъды нæ лæууыд, æмæ бирæфатерон хæдзæртты цæрджытæ хъаст кодтой газы куыстæй.
Æмтгæй райсгæйæ, газы компанийы специалистты куыст ацы аз бæстон уыд. Баивтой 26 километры бæрц газы хæтæлтæ, 301 æхгæнæн арматурæйы, сахуырстой газы хызы 53 километры. Æмæ уый æрмæст Дзæуджыхъæуы. Æппæт республикæйы сцалцæг кодтой 2 мин газуарæн пункты, бындуронæй – 23.
Æппæт нысангонд куыстытæ афоныл конд æрцыдысты. Специалисттæ фидарæй загътой, системæйы куыст сбæлдвырд кодтой æмæ зæрдæхсаинаг нæу.
