Æмбырдгонд сси 50-йæм мыхуыры фæрæз, фæндагамонджыты серийæ
«Алания. Это моя земля». Ахæм сæргондимæ чиныджы презентаци арæзт æрцыд Дзæуджыхъæуы. Æмбырдгонд сси 50-йæм мыхуыры фæрæз, фæндагамонджыты серийæ. Сæмбырд кодта хуыздæр историтæ, таурæгътæ æмæ очерктæ. Сæ автортæ та сты литературон конкурсы уæлахиздзаутæ. Сфæлдыстадон мадзалы фæлгæты ма схорзæхджын кодтой конкурсы лауреатты. Уыдон та сты культурæйы æмæ наукæйы минæвæрттæ, журналисттæ, педагогтæ æмæ студенттæ. Чиныджы презентаци саразджытæ куыд бафипайдтой, афтæмæй ацы фембæлдæй канд егъау литературон куысты хатдзæгтæ нæ кæнынц, фæлæ ма снысан кодтой республикæйы культурон æмæ туристон хъомыс рæзын кæныны пълан. Зæгъдзыстæм ма уый дæр, æмæ чиныг рауагътой культурон хъæппæристы Президентон фонды проекты æххуысæй.
