Ацы аз йæ саразджытæ райстой 260 курдиаты онг Цæгат Ирыстоны алы районтæй
Дзæуджыхъæуы кад кодтой аив кæсджыты дыккаг республикон конкурсы уæлахиздзаутæн. “Когда бы сладкозвучной лирой…”. Ацы аз йæ саразджытæ райстой 260 курдиаты онг Цæгат Ирыстоны алы районтæй. Цæмæй алы архайæг дæр йæ арæхстдзинад равдиса, уый тыххæй æвзарæн байхъуыстытæ цыдысты 4 боны. æвзонг аивкæсджытæ адæмы размæ рахастой сæ курдиат, стыр поэт, фыссæг æмæ нывгæнæг Хетæгкаты Къостайы уацмыстæ кæсгæйæ. Уыимæ уырыссаг æмæ ирон æвзæгтыл. æдæппæтæй конкурсы уыди 4 кары ерысгæнджытæ: 6 азæй 18 азы онг. Хатдзæгтæм гæсгæ жюри равзæрста 28 уæлахиздзауы æмæ призеры. Бацахстой фыццаг, дыккаг æмæ æртыккаг бынæттæ. Дипломтæй дарддæр ма лауреаттæн радтой зæрдылдарæн статуэткæтæ Къостайы сурæтимæ.
