Уый тыххæй журналисттæн радзырдта Дзæуджыхъæуы администрацийы сæргълæууæг Милдзыхты Вячеслав
700 милуанæй фылдæр схардз кæнын иннæ аз нысан кæнынц горæты фæндæгтæм базилынæн. Уый тыххæй журналисттæн радзырдта Дзæуджыхъæуы администрацийы сæргълæууæг Милдзыхты Вячеслав. Трамвайты фæндæгты цалцæгæн радих кæндзысты 150 милуан сомы. Транспорты ацы хуызы æмбæлгæ куыстæн ма базилын хъæуы 9 дæлхайадмæ. Уымæн та хъæуы 400 милуаны. Уыцы фæрæзты æмбис радтынмæ цæттæ у инвестор. Фембæлды ма æрныхас кодтой Ленины фæзы рацарæзты проектыл дæр. 15 нæзы бæласæй 8 сты аварион уавæры. Цыфæнды афон дæр сæ бон у акæлын. Сæ бæсты сын ныссаддзысты ног ныллæг бæлæстæ. Проспекты рацарæзты сæйраг æргом здахын хъæуы, цæмæй йæ архитектурон ансабль ма фесæфа, фæлæ ма ноджы тынгдæр разына цæрджытæм. Реконструкцигонд æрцæудзæн Фæскомцæдисонты парк дæр. Скверы сараздзысты фистæгæй цæуджытæн æмæ велосипедисттæн фæндæгтæ. Администрацийы райдыдтой Ног Азы бæрæгбæттæм цæттæ кæнын дæр.
