14 сентября 2022, 10:44
100 альпинистæй фылдæр архайдзысты Хъазыбеджы хохмæ схизыны акцийы
Уæрæсейы Кубокы къæпхæн арæзт æрцæудзæн Ирыстоны Скайраннингæй
100 альпинистæй фылдæр архайдзысты Хъазыбеджы хохмæ схизыны акцийы. Мадзал цæуы “В чем сила брат”, зæгъгæ лозунгимæ. Уæрæсейы Кубокы къæпхæн арæзт æрцæудзæн Ирыстоны Скайраннингæй. Уый у, хæхты тагъд цæуынæй спорты хуыз. Мадзал райдайдзæн райсом æмæ цæудзæн дыууæ хайæ. 16-æм сентябры квалификацион ерыстæ уыдзысты «Чызджыты хох»-ы. Йæ хатдзæгтæм гæсгæ, сбæрæг уыдзысты финалы архайджытæ. Ерысты сæйраг хай та арæзт æрцæудзæн 18-æм сенябры. Мадзал райдайдзæн 20 азы размæ Хъолайы цъити кæм æрлæууыди, уыцы ранæй. Спортсменты хъæудзæн Хъæрмæдонæй Хъазыбеджы хохы цъуппы онг схизын. Ерыстæ бацæттæ кодтой Уæрæсейы æмæ республикæйы альпинистты федерацийы хъæппæрисæй.
темæмæ гæсгæ
