Ахæм бæрæггæнæнтæ аппаратон æмбырды фехъусын кодтой мидхъуыддæгты министрады минæвæрттæ
17 фæгдаггон-транспортон цауы ивгъуыд къуырийы æрцыди республикæйы фæндæгтыл. Ахæм бæрæггæнæнтæ аппаратон æмбырды фехъусын кодтой мидхъуыддæгты министрады минæвæрттæ. Ныхас цыди «Уæллаг Ларс»-ы уавæрыл дæр. Ныртæккæ фæндаг у гом. Вице-премьер Томайты Ирбек куыд фехъусын кодта, афтæмæй республикæйы фæндæгтыл æрæмбырд ис 630 уæзласæн машинæйы. Уыдонæй 360 сæ радмæ æнхъæлмæ кæсныц сæрмагонд æрлæууæнты. Уымæй уæлдай, Сергей Меняйло профилон структурæтæн бахæс кодта, майы бæрæгбæтты рæстæг æхсæнадон æдасдзинад бахъахъхъæныныл æппæт тыхтæй бацархайын. Сæргълæууæг бадомдта, цæмæй, æппæт службæтæ цæттæ уой карз фæткмæ гæсгæ кусынмæ. Фылдæр æргом аздахын хъæуы адæм фылдæр кæм æмбырд кæны, ахæм рæттæм, стæй туристон локацитæм. Æмбырды ныхас цыди республикæйы арæзтадон сезоны райдианыл дæр.
