Уый тыххæй фехъусын кодтой Хицауады æмбырды
2,7 милуаны сомы райсдзæн Елхот хъæуы территори аив кæнынæн. Уый тыххæй фехъусын кодтой Хицауады æмбырды. Ацы хъуыддаг къухы бафтыд, Елхот сæрмагонд конкурсы кæй фæуæлахиз, уый фæрцы. Хъæууон хæдзарады æмæ хойраджы министр Къусраты Алан радзырдта «Агротуризм»-ы гранттæ дæттыны æгъдæутты тыххæй. Федералон субсиди райсын сæ бон уыдзæн чысыл аграрон бизнесы минæвæрттæн. Фæрæзтæ радих кæндзысты хъæууон туризмы райрæзты проекттæ æххæст кæнынæн. Гранты æппынфылдæр бæрц – 10 милуан сомы. Проекттæ æвзардзæн æмæ субсидиты бæрц бæрæг кæндзæн Уæрæсейы хъæууон хæдзарады министрады къамис. Хицауады сæрдар Дзанайты Барисы ныхæстæм гæсгæ, уый у ног къабаз. Куыд загъта, афтæмæй стыр грантты фæрцы рсепубликæйы агротуризм парахатдæр кæндзæн.
