Уымæй дарддæр ма нысан кæнынц æхсæнадон территоритæм базилын дæр. Конракттæ бафыссыныл æмæ куыстыты мгъуыдыл ныхас цыд, Сергей Меняйлойы разамындæй æмбырды
2025-æм азы Цæгат Ирыстоны нысан кæнынц бындуронæй 260 объекты сцалцæг кæнын, æнæниздзинадхъахъхъæнынады, ахуырады, культурæйы, спорты, коммуналон æмæ фæндаггон инфраструктурæйы къабæзтæй. Уымæй дарддæр ма нысан кæнынц æхсæнадон территоритæм базилын дæр. Конракттæ бафыссыныл æмæ куыстыты мгъуыдыл ныхас цыд, Сергей Меняйлойы разамындæй æмбырды. Профилон ведомствоты минæвæрттæ скодтой бæстон докладтæ. Хæстæ ныридæгæн æвæрд æрцыдысты, æмæ сæ хъæуы æмгъуыдмæ гæсгæ сæххæст кæнын. Контракттæ цæмæн бафыстой, уыцы объектты хъæуы куыст райдайын. Æппæт объекттæ сты социалон, æмæ уыдонæй аразгæ у республикæйы царды хæрзхъæддзинад, — загъта регионы Сæргълæууæг. Уæ зæрдыл уын æрлæууын кæндзыстæм, 2024-æм азы Цæгат Ирыстон хаст æрцыд раззагдæр регионты хыгъдмæ, национ проекттæ æмæ федералон программæтæ æнтыстджынæй æххæстгонд кæм цæуынц. Уый тыххæй хицауадон къамисы æмбырды фехъусын кодта Уæрæсейы Хицауады сæрдары хæдивæг Марат Хуснуллин. Ивгъуыд аз национ проекттæ царды уадзынмæ радих кодтой 7 миллиарды æмæ 900 милуан сомы. Уыдонæй федералон бюджетæй сты 6 миллиарды æмæ 600 милуан сомы.
