Арæзт æрцыд æппæтуæрæсеон акци «Вода России» æххæст кæнгæйæ
300 волонтерæй фылдæр архайдтой хæлар хъуыддæгты марафоны. Арæзт æрцыд æппæтуæрæсеон акци «Вода России» æххæст кæнгæйæ. Активисттæ ногæй бафснайдтой Терчы бæлгæрон. Алыхуызон змæлдты, центрты, клубты æмæ æхсæнадон организациты минæвæрттæ бацыдысты экологон десантмæ. Саив кодтой, иу километрæй фылдæр территори. Акцийы архайджытæ сæмбырд кодтой бырæтты 200 голлагæй фылдæр. Раластой сæ регионалон оператор «Эра»-йы спеицалисттæ. Уымæй дарддæр акци æххæст кæнгæйæ, арæзт æрцыд экологон товарты равдыст. Бакуыстой йыл змæлд «Сансара» æмæ Цæгат Ирыстоны паддзахадон университеты рæзты центры минæвæрттæ. Равдыстмæ цы куыстытæ бахастой, уыдон конд сты, ногæй цы бырæттæ бакуыстой, ахæм æрмæгæй. Цæгат Ирыстоны экологийы æмæ æрдзон æвæрæнты министрадæй хæрзиуджытæ райстой активондæр волонтертæ æмæ журналисттæ. Уыдон ивгъуыд аз дзырдтой экологийы фарстатыл. Нæ республикæ фыццаг хатт нæ архайы акцийы. Фæстаг дыууæ азы та ма хаст æрцыд нæ бæстæйы æртæ æппæтæй активондæр регионты хыгъдмæ. 2021-æм азы Цæгат Ирыстоны райдыдта хæлар хъуыддæгты марафон. Æмæ уыцы эстафетæ экологийы æмæ æрдзон æвæрæнты министрад дæтты Цæгат Кавказы федералон зылды иннæ субъекттæн дæр.
