Ивгъуыд æнусы 80-йæм азты ахуыргæнæндон хуындис 2-æм физикон-математикон интернат
40 азы фæстæ физикон-математикон лицей-интернаты сæмбæлдысты раздæры рауагъдонтæ. Ивгъуыд æнусы 80-йæм азты ахуыргæнæндон хуындис 2-æм физикон-математикон интернат. Мадзалы уыдысты раздæры педагогтæ дæр. Æрхъуыды кодтой сæ ивгъуыд бонтæ. Скодтой ма цалдæр урочы дæр, æмæ ма суанг спортзалы дæр ахъазыдысты. Цымыдисаг фембæлды тыххæй радзурдзæн Хъайтмазты Дзерассæ.
40 азы фæстæ æхсызгон фембæлд. 2-æм физикон-математикон интернаты ноггонд математикон кълæсты 1983 азы рауагъдонтæ та сты иумæ.
Куыд 50 азы размæ, афтæ та ахуырдзауты ранымад сарæзта интернаты раздæры директор. Уый фæрцы бантыст 80-æм азты райдиан математикон къласы куыст сног кæнын. Уæд Владимир Старченко æрзылд республикæйыл æмæ равзæрста бæлвырд наукæты курдиатджын æмæ тыхджын фæсивæд. Ныр уыцы чызджытæ æмæ лæппутæ сæ педагогæн дзурынц се *нтыстдзинæдты тыххæй.
Кæддæрау та уарзон физкультурон залы пионерболæй хъазт. Лæппутæ цымыдисæй хъазынц, чызджытæ сусæг ныхас кæнынц. Афтæмæй аздæхтысты се *рыгон бонтæм. Разæй сæм æнхъæлмæ кæсы географийы урок æмæ мысинæгты изæр. Физикон-математикон лицей-интернатæн бантыст зæрдæхæлар традицитæ æрмæст бахъахъхъæнын нæ, фæлæ ма сæ фæфылдæр кæнын дæр.
2 боны рауагъдонтæ фæуыдзысты хæхты, æмæ ныридæгæн хъуыды кæнынц, сæ рауагъды 50 азы юбилей куыд сбæрæг кæндзысты, ууыл.
