09 января 2025, 10:34
60 бирæфатерон хæдзарæй фылдæр бындуронæй цалцæггонд æрцæудзысты 2025-æм азы
34 дзы нысан кæнынц 102 лифты баивын
60 бирæфатерон хæдзарæй фылдæр бындуронæй цалцæггонд æрцæудзысты 2025-æм азы. 34 дзы нысан кæнынц 102 лифты баивын. Уый тыххæй йæ телеграм-каналы фехъусын кодта республикæйы Сæргълæууæг Сергей Меняйло. Куыстыты рæстæг специалисттæ сног кæндзысты бæстыхæйтты æддаг бакаст, баивдзысты инженерон хызтæ, рацараздзысты хæдзæртты сæртæ, сæвæрдзысты хыгъды кусæнгæрзтæ æмæ ма бирæ æндæр хъуыддæгтæ. Бындурон цалцæджы программæ арæзт у 2038-æм азмæ. Бахастой йæм 2641 цæрæн хæдзары. Уыцы хыгъд сбæрæг кæнæн уыдзæн бындурон цалцæджы регионалон Фонды.
