Концерты программæйы сты паддзахадон филармонийы симфонион оркестры, Гæздæнты Булаты номыл адæмон инструментты оркестр æмæ камерон хор Аланийы равдыстытæ
Абон Ирон театры ацæудзæнис зындгонд зарæггæнæг, Уæрæсейы адæмон артисткæ, педагог Билаонты Долоресы мысæн изæр. Концерты программæйы сты паддзахадон филармонийы симфонион оркестры, Гæздæнты Булаты номыл адæмон инструментты оркестр æмæ камерон хор Аланийы равдыстытæ. Уымæй уæлдай уазджытæ байхъусдзысты Дауыраты Эдуарды, Хъæбæлоты Русланы, Дзæххойты Зæлинæйы æмæ иннæ артистты зарджытæм. Уымæй уæлдай зарæггæнæджы тыххæй мысинæгтæ радзурдзысты йæ хæстæджытæ, хиуæттæ æмæ æмбæлттæ. Билаонты Долоресы ном сызгъæрин дамгъæтæй фыст æрцыд ирон аивад æмæ культурæйы историйы. Зарæггæнæгæн æмдзæгъд кодтой нæ бæстæйы алы горæтты, архайдта дунеон æмæ национ оперон классикæйы равдыстыты, зарыдис куыд адæмон, афтæ номдзыд композиторты зарджытæ дæр. Долоресы алы фæзынд дæр ирон аивадуарзджытæн уыд бæрæгбонау. Нæ республикæйы цæрджытæ ныр дæр ма хъуыды кæнынц æмæ уарзынц йæ зарджытæ «Цы сусæг кæнон», «Ды мæ дуне» æмæ æндæртæ. Долорес æмæ Бæцæзаты Юрийы иумæйаг зарæг «Мæ уарзон стъалы» хаст æрцыд паддзахадон телерадиокомпани Аланийы национ фонды коллекцимæ.
