Новосибирскы паддзахадон университеты рауагъдон докторы диссертаци бахъахъхъæдта æртын æртæаздзыдæй
Абон йæ 70 азы юбилей бæрæг кæны зынгонд ахуыргонд, æхсæнадон архайæг, нæ республикæ æмæ Уæрæсейы Федерацийы наукæты сгуыхт архайæг Къусраты Анатолий. Новосибирскы паддзахадон университеты рауагъдон докторы диссертаци бахъахъхъæдта æртын æртæаздзыдæй. 1991-æм азы æрбацыд Цæгат Ирыстонмæ æмæ райдыдта кусын ЦИПУ-йы математикæйы анализы кафедрæйы сæргълæууæгæй. Къусраты Анатолий стыр æвæрæн бахаста Цæгат Кавказы наукæйы райрæзтмæ. Сарæзта æмæ разамынд дæтты Хуссайраг математикон институтæн æмæ Дзæджыхъæуы наукон центрæн. Йæ фæрцы дунейы рухс федтой наукон журналтæ «Вестник ВНЦ» æмæ «Владикавказский математический журнал». Къусраты Анатолийы фæрцы Уæрæсейы хуссары наукæйæн фæзынд ног комулæфт æмæ ног авналæнтæ йæ дарддæры райрæзтæн.
