Бæрнон кусæг бабæрæг кодта цалдæр социалон объекты.
Цæгат Ирыстоны сæргълæууæг Битарты Вячкславы амындмæ гæсгæ абон нæ республикæмæ кусæг балцы ссыди Уæрæсейы Федерацийы фæллойы æмæ социалон рæзты министр Максим Топилин.
Бæрнон кусæг бабæрæг кодта цалдæр социалон объекты. Се хсæн – психо-неврологон хæдзар интернат «Милосердие», ацæргæ æмæ инвалид адæмы хæдзар – интернат «Забота» æмæ иннæтæ. Уымæй дарддæр ма министр архайдта хицауады хæдзары сæрмагонд æмбырды. Ныхас дзы цыд, национ проект «Демографи» Цæгат Кавказы федералон зылды хыгъды чи ис, уыцы уæрæсейаг субъектты куыд æххæстгонд цæуы, ууыл. Федералон министр куыд бафиппайдта, афтæмæй хъуамæ æппæт республикæты дæр архайой ууыл, цæмæй фылдæр сывæллæттæ гуыра, уый тыххæй. Уымæн та ахъаз уыдзысты сæрмагонд пособитæ. Программæ кусы афæдзы райдианæй. Фараст мины æмæ рдæг фидынц, фыццаг сывæллон кæмæн райгуырд, уыцы ныййарджытæн. Ахæм фиддонтæ исдзысты, цалынмæ йыл афæдз æмæ рдæг нæ сæххæст уа, уæдмæ. Ныртæккæ цæттæ кæнынц ног закъоны проект. Уымæ гæсгæ фиддонтæ фæдæргъвæтиндæр кæндзысты, æмæ сæ фиддзысты, цалынмæ сывæллоныл 3 азы сæххæст уа, уæдмæ. Ацы хъуыддагыл хорзырдæм ахадынц социалон уагдæттæ дæр. Максим Топилин ма се ппæты зæрдыл æрлæууын кодта, психо-неврологон æмæ ацæргæ адæм кæм вæййынц, ахæм объектты арæзтад æмæ цалцæг фыццаджыдæр ис субъектты бæрны. Фæлæ сæм федералон центрæй æххуыс куы цæуа, уæд уый дæр уыдзæн хорз. Ныртæккæ æнхъæлмæ кæсынц сæрмагонд конкурсы хатдзæгтæм. Арæзт цæуы арæзтады министрадимæ иумæ. Уый фадат ратдзæн сæ куыст ног хуызы аразынæн.
