Уый кадæн æнæхъæн къуыри цæуынц алывæрсыг мадзæлттæ
Абон у ирон æвзаг æмæ литературæйы бон. Уый кадæн æнæхъæн къуыри цæуынц алывæрсыг мадзæлттæ. Зæгъæм, знон арæзт æрцыд æрвылазон ахуырадон акци Глобалон диктант ирон æвзагæй. Текст бакасти Беслæны 6-æм скъолайы мадæлон æвзаджы ахуыргæнæг Æмбалаты Валерия. Уæвгæ, ирон æвзагæй Глобалон диктант цæуы ныр 13 азы. Фæстаг 6 азы йæ фыссынц дистанцион хуызы. Ацы хатт мадзалы архайдтой 8 мин адæймаджы. Мадæлон æвзагæй зонындзинæдтæ сбæрæг кæныны фадат уыдис, дунейы алы бæстæты Интернетæй пайдагæнджытæн. Ахуырадон акцийы фæзтæ байгом кодтой республикæйы ахуыргæнæндæтты. Диктант фыстой хистæркъласонтæ, ирон æзваг æмæ литературæйы ахуыргæнджытæ, студенттæ, æхсæнадон организациты æмæ национ-культурон æхсæнадты минæвæрттæ, дзыллон информацийы фæрæзты кусджытæ. Фыццаг хатт диктант ныффыстой Хуссар Ирыстоны, Кæсæг-Балхъары, Хъæрæсе-Черкесийы цæрджытæ стæй Турчы ирон диаспорæ.
