Уникалон коллекцийы фенæн ис скифты-сæрмæтты рæстæгæй артефакттæ — рагон хæцæнгæрзтæ, аивгæнæнтæ æмæ ирон адæмы традицион цардыуаджы мигæнæнтæ
Æхсæнадон-патриотон организаци «Ирон фæсивæд» æмбырд кæны историон предметæ. Уникалон коллекцийы фенæн ис скифты-сæрмæтты рæстæгæй артефакттæ — рагон хæцæнгæрзтæ, аивгæнæнтæ æмæ ирон адæмы традицион цардыуаджы мигæнæнтæ. Бирæ экспонаттæ балæвар кодтой республикæйы цæрджытæ. Уымæй уæлдай, организаци кæны волонтерон куыст дæр. Сæрмагонд æфсæддон операцийы райдианæй нырмæ хæстмæ арвыста сæдæ гуманитарон уæзы. Бæстондæр хабæрттæ радзурдзæн Чехойты Фатимæ.
Историйы мин азтæ — иу тæрхæгыл. Алцыдæр райдыдта, бирæ æнусты дæргъы ныры онг хъахъхъæд чи æрцыдис, мамонты ахæм дæндагæй. Уый сси «Ирон фæсивæд»-ы коллекцийы фыццаг экспонат. Æхсæнадон-патриотон организаци æмбырд кæны нæ регионы истори æмæ культурæимæ баст предметтæ.
Коллекцийы ис дæсгай экспонаттæ алы æнустæй. Скифты-сæрмæтты рæстæгæй — хæцæнгæрзтæ, аивгæнæнтæ æмæ хæдзары мигæнæнтæ. Уыдоны иу хай организацийы уæнгтæ сæхæдæг сæмбырд кодтой, фæлæ сын сæ фылдæр æрбахæссынц æмæ балæвар кæнынц адæм. Коллекци æмбырдгонд цæуы 5 азы. Сæрмагонд цæстдард цæуы сывæллæтимæ куыстмæ: ардæм æрбахонынц скъоладзауты, базонгæ сæ кæнынц историон цаутимæ. Ам сын фадат ис хи цæстæй фенын цымыдисаг экспонаттæ.
Ардыгæй сæрмагонд æфсæддон операцийы райдайæнæй хæстмæ æрвыст æрцыд фыццаг гуманитарон æххуыс . Ам æмбырд кодтой, æвзæрстой æмæ арæхстгай æвæрдтой æфсæддонтæн хъæугæ дзаумæттæ.
Уæдæй нырмæ арвыстой сæдæйæ фылдæр гуманитарон уæзы. Организацийы архайджытæ сæхæдæг 20 хатты ацыдысты сæрмагонд æфсæддон операцийы зонæмæ. Се *ххуысы хай бахæссынц скъолатæ, рæвдауæндæттæ, куыстуæттæ, бархионтæ, республикæйы цæрджытæ.
Гуманитарон нысаниуæг кæмæн ис, уыцы куыст дарддæр цæуы ныр дæр. Хойрæгтæ æмæ хостæй уæлдай æххæст кæнынц æфсæддонты сæрмагонд курдиæттæ.
Ам хъахъхъæнынц æрмæст ивгъуыды мысинæгтæ нæ, фæлæ адæмимæ бастдзинад ныры рæстæджы дæр. Йе *вæрæн бахæссын йæ бон у алкæмæн дæр — историйы хай бахъахъхъæнын, кæнæ, гуманитарон æххуыс чи *мбырд кæны, уыдоны фарсмæ æрбаллæуын.
