Хатдзæгтæгæнæн æмбырд ацыди, хицауады сæрдар Дзанайты Барисы разамындæй
Æнæзакъон промышленнон продукцийы зилдухы ныхмæ тохы республикон къамис фехъусын кодта йæ ацы куысты бæрæггæнæнтæ. Хатдзæгтæгæнæн æмбырд ацыди, хицауады сæрдар Дзанайты Барисы разамындæй. Республикæйы территорийы арæзт цæуы хъæбæр нозты æмæ тамакойы продукцийы æнæзакъон зилдухимæ тох кæнынæн сæмагонд мадзæлтты комплекс. Стыр æргом здæхт цæуы хойраджы продуктты æнæзакъон зилдухмæ дæр. Уый иу. Сæйрагдæр та – æнæхæрзхъæд медицинон продукцийы ныхмæ карз тох. Уæрæсейы æнæниздзинадмæ цæстдарды управлени ацы аз скодта 50 бæрæггæнæн мадзалæй фылдæр, æркастытсты медицинон æмæ афтекты организацитæм, сбæрæг кодтой хосты æмæ æндæр медицинон продукцийы хæрзхъæддзинад. Ацы аз хойраджы мониторинджы фæлгæты пробæтæ систой 200 фосдарынады продукцийæ, иртæстой сæ æдасдзинады алывæрсыг æууæлтæй. Дзанайты Барис куыд загъта, афтæмæй нæ иумæйаг хæс у æппæт мадзæлттæй пайда кæнын, цæмæй регионмæ контрафактон товартæ ласт ма цæуа, уый тыххæй. Уымæй аразгæ у республикæйы цæрджыты æдасдзинад.
