Мадзал саразыныл бакуыстой республикæйы сæргълæууæджы администраци æмæ Уæрæсейы промышленникты æмæ амалхъом адæмы уæрæсейаг цæдисы регионалон хайад
Æппæтадæмон ахастдзинæдты Мæскуыйы паддзахадон институты эксперт Сергей Маркедоновы лекци арæзт æрцыд Цæгат Ирыстоны паддзахадон университеты ЮНЕСКОйы залы. Мадзал саразыныл бакуыстой республикæйы сæргълæууæджы администраци æмæ Уæрæсейы промышленникты æмæ амалхъом адæмы уæрæсейаг цæдисы регионалон хайад. Иртасæн программæйы разамонæг лекцийы архайджытæн радзырдта Уæрæсейы æддагон политикæйы тыххæй, 90-æм азтæй ныртæккæйы онг, стæй Кавказы æмæ Уæрæсейы хсæн ахастдзинæдты тыххæй. Фембæлды рæстæг студенттæ, ахуыргæнджытæ, хицаудзинады оргæнты æмæ бизнес-æхсæнады минæвæрттæ æрдзырдтой нырыккон геополитикæйыл. Мадзалы сæйраг нысан у – фæсивæды политикон зонындзинæдтæ фылдæр кæнын, хуссайраг регионтæн нæ бæстæйы экономикæйы цы ахадындзинад ис, уый сын æмбарын кæнын.
