Мадзал байгом кодтой рагон ирон кафт «Хонгæ»-йæ. Акафыдысты йæ Мæскуыйы ансамбль «Алания»-йы солисттæ
Æппæтадæмон равдыст-форум «Россия»-йы Цæгат Ирыстоны стенды цæуы ахуырады къуыри. Мадзал байгом кодтой рагон ирон кафт «Хонгæ»-йæ. Акафыдысты йæ Мæскуыйы ансамбль «Алания»-йы солисттæ. Уазджытæн бацæттæ кодтой аив дзырдæй дæсныйадæвдисæг ахуыртæ. Скодта сæ æппæтадæмон конкурс «Живая Классика»-йы уæлахиздзау Реуазты Данæ. Уымæй дарддæр ма дæсныйадæвдисæг ахуыртæ цæуынц интервью исынæй, национ æрмдæсныйады хуызтæй, ирон æвзаг ахуыр кæнынæй æмæ райгуырæн бæстæйы истори базонынæй. IT-кубы та ис 3D-модельтæ аразынæй хи бафæлварыны фадат. Уæ зæрдыл уын æрлæууын кæндзыстæм, Цæгат Ирыстоны бон ВДНХйы ацæудзæн 7-æм декабры. Нæ республикæйы экспозицийы концепци арæзт у тематикон декадæтæй – туризм, культурæ, спорт, ахуырад, горæты архайд. Равдыст цæудзæн 2024-æм азы апрелы онг.
