Уыцы рæстæгмæ фестивалы архайджытæй бирæтæ систы зындгонд фысджытæ
Æппæтуæрæсеон фестиваль «Мцыри»-йы æрыгон поэттæ сæ курдиат æвдисынц 2004 азæй фæстæмæ. Уыцы рæстæгмæ фестивалы архайджытæй бирæтæ систы зындгонд фысджытæ. Ацы аз дæр фестивалы бацархайдтой нæ республикæйы поэттæ. Лæвæрд сын уыд 5 минуты, цæмæй се мдзæвгæтæ бакæсой, уый тыххæй. Финалмæ Мæскуымæ ацæудзысты республикæйы 3 минæвары.
Ходы Аминæт йæ цард поэзийымæ сбаста йæ сабибонтæй фæстæмæ. Кæсын æмæ фыссын базыдта йе мгæрттæй раздæр. Æмдзæвгæтæ фыссын райдыдта, 7 азы йыл куы цыд, уæд. Фыссынмæ йын йæ уд сразæнгард кæны куыд уырыссаг, афтæ фæсарæйнаг авторты сфæлдыстад. Æрыгон поэтты фестиваль «Мцыри»-йы тыххæй куы базыдта, уæд дзы Аминæты бафæндыд бацархайын. Ныр у фестивалы финалист.
Фестиваль арæзт вæййы æрвылаз. Жюрийы уæнгтæ уыдысты куыд Уæрæсейы минæвæрттæ, афтæ нæ республикæйы фысджытæ дæр. Се хсæн – проекты хицау Александр Александрович Чистяков дæр. Финалмæ нæ республикæйæ ацæудзысты 3 минæвары. Уыдон сты Гæджиты Хасан, Айляраты Зелимхан æмæ Ходы Аминæт.
Фестиваль арæзт у æрыгон поэттæн. Бацархайæн дзы ис, 27 азы онг кæуыл цæуы, уыцы поэзи уарзаг фæсивæдæн. Æмæ 27 азы хуымæтæджы нæ равзæрстой. Уыцы кары йæ цардæй ахицæн поэмæ «Мцыри»-йы автор Михаил Юрьевич Лермонтов. Республикæйы минæвæрттæн цы фиппаинæгтæм бацамыдтой, уыдоныл кусынц, цæмæй финалы сæхи ноджы хуыздæр равдисой. Финал цæудзæн 3 боны Мæскуыйы.
Фестивалы архайджытæ кастысты сæхи фыст æмдзæвгæтæ. Лæвæрд сын уыд 5 минуты. Уыцы рæстæгмæ сæ бон бакæсын уыд цылдæр æмдзæвгæйы. Уæлахиздзауты сфæлдыстад мыхуыргонд уыдзæн Уæрæсейаг журналты. Æмæ уый ирон поэтæн у ахсджиаг хъуыддаг.
