филиал вгтрк государственная телерадиовещательная компания “Алания”

«Хæххон Ирыстоны геологон æмæ экзогенон процесстæ». Æппæтуæрæсеон наукон семинар арæзт æрцыд Цæгат Кавказы хæххон-металлургон институты. Баст уыд Уæрæсейы наукæйы бонимæ. Семинары хæс у зонындзинæдтæ æмæ наукон иртасæн куыстытæ кæрæдзийæн раргом кæнын. Архайдтой дзы студенттæ, скъоладзаутæ, ахуыргæнджытæ æмæ республикæйы уæлдæр ахуыргæнæндæтты аспиранттæ. Мадзалы уазджытæ уыдысты Мæскуыйы паддзахадон университеты географийы кафедрæйы кусджытæ. Семинары хатдзæгтæм гæсгæ равзардзысты ног кусджыты. Хæххон – металлургон институты разамонджытæ куыд зæгъынц, афтæмæй ахæм фембæлдтытæ уыдзысты алы аз дæр.