Æфснайынмæ рацыдысты районы разамынды минæвæрттæ, ведомствæты æмæ организациты кусджытæ, амалхъом адæм
Æппæтуæрæсеон зиуы архайдтой Дыгуры районы цæрджытæ. Уый сси традици. Æфснайынмæ рацыдысты районы разамынды минæвæрттæ, ведомствæты æмæ организациты кусджытæ, амалхъом адæм. Фæндæгты цалцæггæнæн-арæзтадон управлени ракодта техникæ. Сæрмагонд æргом аздæхтой Фыдыбæстæ Хъахъхъæнджыты парк æмæ Гергиты Валерийы номыл парк саив кæнынмæ. Базылдысты дидинæгдонтæм, газонтæм, ныккарстой кæрдæг, сцагъдтой бæлæстæ. Полигонмæ раластой дæсгай голлæгтæ бырæттимæ. Ахæм зиутæ адæмы иу кæнынц, загъта Дыгуры районы администрацийы сæргълæууæджы хæстæ æххæстгæнæг Хохойты Валерий. Фæсидт цæрджытæм ацы хъуыддаджы активонæй архайынмæ. Районы цы мæйон нысангонд æрцыд, уымæ гæсгæ æппæт хъæуты ныссаддзысты талатæ æмæ дидинджытæ.
