Иу иннæйы фæдыл дзы арæзт цæуынц, социалон нысаниуæг кæмæн ис, ахæм ахсджиаг объекттæ
Æрæфы район рæзы, æмæ иннæтæн дæр дæнцæг хæссы. Иу иннæйы фæдыл дзы арæзт цæуынц, социалон нысаниуæг кæмæн ис, ахæм ахсджиаг объекттæ. Зæгъæм, Æхсæрысæры 20 азы фæстæ йæ дуæрттæ байгом кæндзæн культурæйы хæдзар. Хæзныдоны та фаронæй фæстæмæ кусы хуыйæн фабрикæ. Куыстуат байгом кæнын бантыст амалхъом адæймаг Боллоты Таймуразы фæрцы. Ацы, æмæ æндæр æнтыстдзинæдты тыххæй бæстондæр радзурдзæн Касаты Наирæ.
Сечеры байгом рæвдауæндонмæ уæлæмхасæн арæзтад. Раздæр скъолайы агъоммæйы ахуыргæнæндоны бæстыхай уыди æдзæллаг уавæры. Нæ дзы уыди нæ музыкалон кабинет, нæ сывæллæттæн ирхæфсæн агъуыст. Ныр дзы сывæллæттæн ис алцыдæр, райдай аив уæттæй æмæ фæу ног хъазæнтæй. Рæвдауæндоны ис 50 бынаты. Ныртæккæ йæм цæуы 32 сабийы. Уыдон æрмæст Сечерæй сывæллæттæ не сты, фæлæ сыхаг хъæутæй дæр.
Быдыры Дæргъæвсы та арæзт æрцыди ног спортивон фæз. Объект сцæттæ кодтой цалдæр мæймæ. Куыд нысан кæнынц, афтæмæй территори уыдзæни аивгонд. Сæвæрдзысты дзы бандæттæ. Фарон ма ахæм фæз фæзынди Советскийы хъæуы дæр.
Стыр æргом здæхт æрцыди æнæниздзинадхъахъхъæнынады къабазмæ. Ивгъуыд азы Æрæфы районы арæзт æрцыди 7 фельдшерон акушерон пункты. Ног медицинон объект тагъд байгом уыдзæни Æхсæрысæры дæр. Фельдшеры кабинет, прошшшшцедурæтæ кæнæн агъуыст. Ис дзы ног кусæнгæрзтæ дæр. Ацы ногдзинæдты фæрцы цæрджытæ афоныл исдзысты хъæугæ медицинон æххуыс.
Æхсæрысæры ма арæзт æрцыди ноджыдæр æндæр социалон ахсджиаг объект. 20 азæй дзы фылдæр нæ уыди кулщьтурæйы артдзæст. Ныр сабиты сыхаг хъæутæм цæуын нал хъæуы. Бындурон цалцæджы фæстæ, культурæйы хæдзар байгом Толдзгуыны дæр. Ног зал, административон кабинеттæ, библиотекæ. Ардæм сывæллæттæ цæуынц зарынмæ æмæ кафынмæ. Хъæуы ма сæ музыкалон инструменттæ. Районы администраци сын зæрдæ вæры балхæнынæй.
Фарон октябры та Хæзныдон байгом хуыйæн фабрикæ. Абон кусы æнтыстджынæй. Ныртæккæ йæ фæнд кæнынц фæуæрæхдæр кæнын. Ныридæгæн ын радих кодтой кусæн фæз. Уый фадат ратдзæни 500 кусæн бынаты радтынæн. Фабрикæйы кусы 50 адæймаджы. Хуыйынц дзы сæрмагонд уæлæдрæс. Куыстуат байгом кæнын къухы бафтыди амалхъом адæймаг Боллоты таймуразы фæрцы.
Ацы аз ма Æрæфы районы бындуронæй базилдзысты Лескены скъоламæ, районы рынчындонмæ, поликлиникмæ. спортивон фæз та ма арæзт æрцæудзæн Сечеры.
