Мадзалæй ссардтой зындгонд тренер, уæгъдибар хъæбысхæстæй æмæ самбойæ спорты мастер Козаты Николайы рухс ном
Æрæфы районы спортивон комплексы Цыколайы арæзт æрцыдысты республикон ерыстæ самбойæ. Мадзалæй ссардтой зындгонд тренер, уæгъдибар хъæбысхæстæй æмæ самбойæ спорты мастер Козаты Николайы рухс ном. Йæ фæрцы 1961-æм азы фæзынд уæгъдибар хъæбысхæсты секци. Уæдæй хъуысын райдыдтой фæсивæды сгуыхтдзинæдтæ ацы спорты хуызæй. Турнир арæзт æрцæуы æрвылаз. Николайы хъомылгæнинæгтæ йын нæ рох кæнынц йæ бавæрæн Æрæфы районы спортивон къабазы райрæзтмæ. Ацы хатт, Цыколайы спортивон комплесы æрбамбырд сты, 12-азæй 14 азы онг кæуыл цæуы, ахæм æвзонг спортсментæ. Æмтгæй райсгæйæ дзы архайдта 150 спортсмены республикæйы районтæй. Турнир саразынмæ æвæрæн бахастой Николайы хиуæттæ, республикæйы Самбойы федераци, Æрæфы районы «Стыр Ныхас»-ы хайад. Уæлахиздзаутæ хорзæхгонд æрцыдысты кубоктæй, кады гæххæттæй, æхцайы премитæй. Мадзалмæ хуынд æрцыдысты Козаты Николайы бинонтæ, зонгæтæ, хъомылгæнинæгтæ.
