Фæлæ зæгъæм, дзюдойы къорды чи ис, уыдон та сæ уавæртæй разы не сты
Практикæ куыд амоны, афтæмæй стыр горæтты цæрæг сывæллæттæн фылдæр гæнæнтæ ис сæ миддунейы райрæзтыл архайынæн. Фæлæ фæстаг рæстæг республикæйы районты дæр арæзт цæуынц хуыздæр уавæртæ. Уымæ гæсгæ адæмы уырны, ныр сæ сæ кæстæрты алыхуызон секцитæм æндæр рæттæм ласын кæй нал хъæудзæн, уый. Æрæфы районы спортивон скъолайы дæр ис спорты цалдæр хуызы архайынæн гæнæнтæ. Фæлæ зæгъæм, дзюдойы къорды чи ис, уыдон та сæ уавæртæй разы не сты. Сæ курдиатмæ гæсгæ сын сæ тренировкæтæ бабæрæг кодта не сфæлдыстадон къорд. Сосранты Жаннæ бæлвырддæр.
Спортмæ æмхец сувæллонæн, лæгъуз надбæл рацæунæй тæссаг нæй. Уоци гъуди рафæлхат кодта рæстæг. Сувæллонæн куд минкъийдæр уæгъдæ рæстæг уа, уотæ æ уод кæнуй федардæр. Уобæл гъуди кæннæй Чиколай дэюдой секцимæ сувæллæнттæ цæуй æгас райони гъæутæй. Тагъати Малика алли хатт дæр æрбахъæртуй ардæмæ респубоики кæройнаг гъæу Лескенæй.
Аци секцимæ цæуй 50 сувæллонмæ хæстæг. 10 анземæ си берæ фæсевæд равдиста æнтæстгин бæрæггæнæнтæ. Хæмицати Руслан Ижевски Уæрæсей еристæй иссудæй бронзæ майдани хæццæ. Куд зæгъуй уотемæй сæ тренери лæмбунæг архайдæн сæ фæффæндуй дзуапп радтун.
Тренер Золойти Чермени дзубандитæмæ гæсгæ алкæмæ дæр фенгъæлмæ кæсунцæ зæрдиуагæй.
Не сфæлдистадон къуари бацудмæ æрмæст сувæллæнтт æне нгъæлмæ кастæнцæ, фал ма сæ ниййергутæ дæр. Сæ хæццæ радзоргæй мин ракодтонцæ сæ тухст хабæрттæ. Сæ зæрдæ дзоруй секцийæн сæрмагонд бунат ке нæййес, уомæ. Хъæбæр сæ нæ фæндуй æ нихгæнун.
Зæгъун гъæуй уой, æма æцæгæйдæр Ирæфи райони Дзюдой секци еунæг ке æй, уой. Æма æй ци сувæллæнттæ рартаста, уони нифс анзи афонæй аразгæ кæд нес уа, уобæл сæ зæрдæ дарунцæ секцимæ цæугутæ сæ ниййергутæ æма сæ тренер.
