Уыцы компанитæ сты: къулыл ауындзгæ хърамгæнæнтæ аразæг, минералон дон уадзæг, стæй косметикæ æмæ дезинфекцион фæрæзтæ аразæг куыстуæттæ
Æртæ цæгатирыстойнаг куыстуаты сæ продукци равæрдтой бизнес-миссийы Казахстаны. Уыцы компанитæ сты: къулыл ауындзгæ хърамгæнæнтæ аразæг, минералон дон уадзæг, стæй косметикæ æмæ дезинфекцион фæрæзтæ аразæг куыстуæттæ. 3 мæйы дæргъы мадзалыл куыстой экспорты æмæ амалхъомдзинадæн æххуысы Центры специалисттæ. Уыдон агуырдтой ахæм компанитæ, сæ продукци Казахстаны ахадгæ чи уыдзæн. Фыццаджыдæр ахсджиаг уыд æргътæ æмæ продукцийы хæрзхъæддзинад сбæрæг кæнын. Ахсджиаг у уый дæр, æмæ уæрæсейаг компанитæн сæ бон кæй у сыхаг бæстæйы кусын, таможняйы уагæвæрдтæ нæ хынцгæйæ. Æппæт ацы куыстытæ цæуынц, национ проект «Æппæтадæмон коопераци æмæ экспорт» æххæст кæнгæйæ.