Лагеры фæсивæд вæййынц æрмæстдæр боныгон
Æрвылазон æфсæддон-спортивон лагерь «Балц» ацы аз байгом кодтой Дзæуджыхъæуы 40-æм скъолайы æмæ республикæйы 4 районы. Лагеры фæсивæд вæййынц æрмæстдæр боныгон. Уыимæ æххæст кæнынц хи дарыны æфсæддон фæтк. Лæппутæ канд се спортивон цæттæдзинадыл не фтауынц, фæлæ ма зонгæ кæнынц хæцæнгарзы нырыккон хуызтимæ, ахуыр кæнынц истори, топографийы бындуртæ æмæ ма фыццаг медицинон æххуыс кæныныл дæр. Нысантæм гæсгæ цæудзысты быдыртæм. Лагеры фылдæр сты æвзонг æфсæддонтæ – 8 æмæ 9 кълæсты ахуырдзаутæ. Иу фæлтæр цæуы 5 боны. Фæсивæдимæ кусынц профессионалон инструктортæ. Зæгъдзыстæм ма уый дæр, æмæ лагерь саразыныл бацархайдтоæй Дзæуджыхъæуы администраци стæй 58-æм æфсады службæгæнджытæ. Фæззæджы лæппутæ архайдзысты æфсæддон-тактикон хъазт «Заря»-йы. Уый у, советон рæстæджы зындгонд хъазт «Зарница»-йы фæткмæ гæсгæ арæзт.
