Конкурсæн хатдзæгтæ скодтой Мæскуыйы, «Чысыл горæтты æмæ историон бынæтты рæзты» форумы
Æрыдон, Дигора æмæ Елхот систы, хуыздæр аивдзинады проектты, Æппæтуæрæсеон конкурсы уæлахиздзаутæ. Конкурсæн хатдзæгтæ скодтой Мæскуыйы, «Чысыл горæтты æмæ историон бынæтты рæзты» форумы. Проект царды рауадзынæн нæ республикæ федералон бюджетæй райсдзæн 240 милуан сомæй фылдæр. Куыстытæ райдайдзысты 2027-æм азы. Æрыдоны сног кæндзысты Центрон парк, базилдзысты тезгъогæнæн æмæ æхсæнадон территоритæм, спортивон æмæ ирхæфсæн фæзтæм. Саив кæндзысты амфитеатр, кафæн фæз æмæ æндæр тыгъдадтæ. Дигорайы базилдзысты Тогойты Даниилы уынгмæ. Уыдзысты дзы фæлладуадзæн æмæ тезгъогæнæн бынæттæ, сывæллæтты æмæ спортивон фæзтæ. Сног ма кæндзысты «Сыгъдæг бæласы» алфамбылай территори дæр. Елхоты та æххæст кæнынц проект «Елхот. Разыдзинады территори». Хаст æм æрцæудзысты футболон фæз, спортивон фæзтæ æмæ фæлладуадзæн парк.
