филиал вгтрк государственная телерадиовещательная компания “Алания”

Æрыдоны байгом спортивон комплекс. Кадджын мадзалы архайдта Сергей Меняйло. Районы цæрджытæн ацы цау у стыр бæрæгбонау. Уымæн æмæ дзы стыр спортивон объект  никуы уыди. Бæллыдысты йæм се ппæт кары минæвæрттæ дæр. Уæвгæ, спортивон комплекс кæй байгом кодтой, уый у дывæр бæрæгбон. Мадзал сси æппæтадæмон форум «Россия – спортивная держава»-йы хай. Телебастдзинады фæткы ацыди Кемеровайы. Бæстæйы 10 регионы уыцы иу рæстæг байгом 11 ног спортивон объекты. Æрыдоны спорткомплекс арæзт у проект «Спорт-норма жизни»-йы фæлгæты. Ис дзы хъæбысхæсты æмæ боксы секцитæ, спортивон хъæзтыты æмæ тренажерон залтæ.