Аварион бригадæтæ иуварс кæнынц æрдзон фыдбылызы фæстиуджытæ. Электрон тых иуæй-иу рæтты фæзынди.
Æрыдоны цæрджытæ баззадысты æнæ донæй æмæ рухсæй, знон дзы тæрккъæвдатæ æмæ тыхджын дымгæ кæй уыди, уый аххосæй.
Аварион бригадæтæ иуварс кæнынц æрдзон фыдбылызы фæстиуджытæ. Электрон тых иуæй-иу рæтты фæзынди. Фæлæ зиан æрхастæуыд социалон объекттæн æмæ хи хæдзæрттæн. Дымгæ ахаста хæдзæртты сæртæ, хъыгдард баййæфтой цæхæрадæттæ æмæ дыргъдæттæ. Тæрккъæвдатæ бахъыгдардтой Дыгуры, Рахизфарсы, Кировы æмæ Горæтгæрон районтæ дæр. Цæгат Кавказы регионты хсæн электрон тыхуарæг компанийы пресс-службæйæ куыд фехъусын кодтой, афтæмæй сæм рухс радтой. Цух ма дзы æййафынц Дзæуджыхъæуы центрон хайы цалдæр хæдзары. Уыимæ синоптиктæ куыд зæгъынц, афтæмæй боныхъæд хуыздæрырдæм нæма аивдзæн.
