Профилон министр Алыбекты Эллæ куыд бафиппайдта, афтæмæй ахæм мадзæлтты фæрцы уавæр гæнæн ис æмæ фæхуыздæр уыдзæнис
Эпидемиологон уавæр нымайгæйæ, ахуырады министрад дыууынæмæй дыууын æхсæзæм февральмæ ивы скъолаты æмæ астæуккаг профессионалон ахуыргæнæндæтты ахуыры фæтк. 20, 21 æмæ 22 февралы ахуырадон куыстуæттæ рацæудзысты дистанцион фæткмæ, 23-26 февралмæ та уыдзысты фæлладуадзæн бонтæ. Сывæллæтты рæвдауæндæтты кусдзысты радхæссæг къордтæ. Уæрæсейы фæлхасадмæ цæстдарды бæрæггæнæнтæм гæсгæ, нæ республикæйы эпидемиологон уавæр аивта æвзæрырдæм. Ахуыргæнæндæтты мониторинг куыд равдыста, афтæмæй рынчынты бæрцыл бонæй бонмæ æфты. Уыйимæ рынчын кæнынц куыд скъоладзаутæ, афтæ ахуыргæнджытæ дæр. Профилон министр Алыбекты Эллæ куыд бафиппайдта, афтæмæй ахæм мадзæлтты фæрцы уавæр гæнæн ис æмæ фæхуыздæр уыдзæнис.