Активонæй сæхи равдыстой Дыгуры æмæ Æрæфы районты цæрджытæ дæр. 3 боны дæргъы райсомы 8 сахатæй фæстæмæ адæм цыдысты æвзарæн участоктæм, æмæ æвдыстой сæ граждайнаг цæстæнгас. Уымæн æмæ бæллынц нæ бæстæйы рæсугъд фидæнмæ. Уый та аразгæ у алкæмæй дæр. Районты куыста не сфæлдыстадон къорд, æмæ Сосранты Жаннæйæн ныхасы бар.
Æппæт æртæ боны дæр Æрæфы районы æвзарæн хайæдтæ сæ архайдмæ иу бавнæлдтой райсомы аст сахатыл. Хъæлæс кæнынмæ цыдысты, районы фыст чи у, уыдон. Цæгат Ирыстоны Хицауады сæрдары хæстæ рæстæгмæ æххæстгæнæг Тускъаты Таймураз, куыд алы хатт, афтæ ныр дæр схъæлæс кодта Цыколайы.
Хъæлæс кæныны сæйраг бон – 19 –æм сентябры чи æрбацыд, уыдоны хсæн уыд районы ветеранты Советы сæрдар Бетрозты Майран. Йæ ныхæстæм гæсгæ, урнæты цы бирæ бюллетеньтæ ис, уый ууыл дзурæг у æмæ Бæстæйы финдмæ йæ цæрджытæ куыд фæнды цæстæй кæй нæ кæсынц.
Куыд республикæйы иннæ æвзарæн хайæдты, афтæ Цыколайы дæр, къамисы кусджытæ æвзарджытыл æмбæлынц сæрмагонд уæлæдарæсы. Уыимæ алы адæймаг дæр хъуамæ æрлæууæ санитарон стъолы уæлхъус æмæ райса æрмкъухтæ æмæ маскæ, стæй фыссæнгарз.
Æвзæран хайады фиппаинæгтæ нæ уыд. Адæм хъæлæс кæнынмæ цыдысты зæрдиагæй. Æвзарæн къамисы сæрдар Гулуты Зурабы ныхæстæм гæсгæ, адæм фылдæр цыдысты боны фыццаг æмбисы. Æхсызгон у фæсивæд æнæзивæгæй кæй цыдысты, уый.
Йе взарæджы барæй спайда кодта Хæзныдоны хъæуы цæрæг Чибиты Олег дæр. Куыд зæгъы афтæмй, æртæ боны кæй цыдысты æвзæрстытæ, уый тынг хорз æрхъуыды у. Азы ацы афоны хъæуы цæрджытæ бавналынц сæ фæзыггон бæркад æфснайынмæ æмæ сын рæстæг нæ вæййы. Ацы ногдзинады фæрцы та сæ гæнæнтыл бафтыд.
Æрæфы æмæ Дыгуры районты дæр хистæр кары , стæй йе нæниздзинадмæ гæсгæ æвзарæн хайадмæ æрбацæуын кæй бон нæ уыд, уыдонæн схъæлæс кæныны бар уыд хæдзары. Сæрмагонд службæйы уæнгтæ сæм хæццæ кодтой æвзарæн бюллетеньтæ.
