Барадхъахъхъæнджытæ равдыстой патрулон машинæ æмæ радзырдтой Паддзахадон автоинспекцийы службæйы тыххæй
Акци «Фæлладуадзæн рæстæг æхсæнадон советимæ» æххæстгæнгæйæ, Мæздæджы районы фæндаггон пъæлицæйæгтæ скодтой профориентацион мадзал «Бæллицты машинæ». Барадхъахъхъæнджытæ равдыстой патрулон машинæ æмæ радзырдтой Паддзахадон автоинспекцийы службæйы тыххæй. Ацы аз ыл æххæст кæны 90 азы. Районы пъæлицæйы хайады цур æхсæнадон советы уæнгтæ куыд загътой, афтæмæй ахæм мадзæлттæ сты тынг ахсджиаг. Фæсивæдæн равдыстой, автотранспорт куыд бауыромынц, стæй æнахъом сывæллæттæ кæм бахауынц, ахæм фæндаггон фыдбылызтæ куыд не руадзынц, уый. Уæлдай цымыдисагдæр та сын уыд патрулон машинæ æмæ йæ кусæнгæрзтæ. Фæндаггон змæлды инспектор та ма лæппутæн æмæ чызджытæн радзырдта хи хъахъхъæнæн фæрæзты тыххæй.
