02 августа 2022, 10:23
Акци #МыВместе-йы волонтерты клубы архайджытæ базылдысты Цъæйы комы фæдзæхст бынаты территоримæ
Экологон десант йæ куыст райдыдта туристон къахвæндæгтæй æмæ Цъæйдоны былгæрæттæй
Акци #МыВместе-йы волонтерты клубы архайджытæ экологон проект «Вода России»-йы фæлгæты базылдысты Цъæйы комы фæдзæхст бынаты территоримæ. Экологон десант йæ куыст райдыдта туристон къахвæндæгтæй æмæ Цъæйдоны былгæрæттæй. Территори ссыгъдæг кодтой пластикæй æмæ авгæй, консервты къоппытæй æмæ целлофанæй. Бырæттæ полигонмæ раластой регионалон оператор «ЭРА»-йы кусджытæ. Уæ зæрдыл уын лæууын кæнæм, акци «Вода России»-йæн бындур æвæрд æрцыди 8 азы размæ. Уыцы рæстæгмæ баиу кодта бирæ адæмы. Се хсæн, волонтерты регионалон клуб #МыВместе-йы архайджытæ фыццаг аз не сты.