Интеллектуалон хъазт бацæттæ кодтой историон клуб «Истоки» æмæ парти «Иугонд Уæрæсе»-йы бынæттон хайады хъæппæрисæй
Алагиры 5-æм скъолайы ацыд брейн-ринг, йæ темæ уыди горæт немыцаг фашисттæй суæгъд кæныны 80-ай азимæ. Интеллектуалон хъазт бацæттæ кодтой историон клуб «Истоки» æмæ парти «Иугонд Уæрæсе»-йы бынæттон хайады хъæппæрисæй. Ерысты архайдта дыууæ командæйы – «Звезда» æмæ «Эрудиты». Уыдон сты дыккæгæм æмæ фæндзæм скъолаты кадетон кълæсты ахуырдзаутæ. Хъазты сæхи фæлвæрдой Кавказыл тохы историон цаутæ æмæ не мзæххон хъæбатырты хæстон æмæ цардвæндæгтæ зонынæй. Конкурсы цыдмæ сæ цæст дардтой жюрийы уæнгтæ, методисттæ æмæ историйы ахуыргæнджытæ. Мадзал саразджыты хъуыдымæ гæсгæ ахæм интеллектуалон ерыстыл бакусынц арæх, уымæн æмæ рæзгæ фæлтæры зондахастыл ахадынц хорзырдæм. Уымæй та аразгæ у фæсивæды патриотон хъомылад, разæнгард сæ кæны сæ райгуырæн бæстæйы истори базонынмæ.
