«Нартæм» балц арæзт æрцыд республикæйы Сæргълæууæг Сергей Меняйлойы амындмæ гæсгæ
Алагиры æмæ Дзæуджыхъæуы 100 скъоладзауæй фылдæр хуынд æрцыдысты бæхты театрмæ. «Нартæм» балц арæзт æрцыд республикæйы Сæргълæууæг Сергей Меняйлойы амындмæ гæсгæ. Афтæмæй культурæйы министрады бæрны цы организацитæ ис, уыдон хъуамæ мæй иу хатт æвдисой спектакльтæ æмæ концерттæ, сæрмагондæй 14 азы кæуыл нæма сæххæст, ахæм фæсивæдæн. Ацы хатт лæппутæн æмæ чызджытæн бацæттæ кодтой концертон программæ «Легенды возвращаются детям». Ахæм хæрзаудæн куыст цæудзæн мæй иу хатт. Ома программæтæ æвдисдзысты лæвар. Уый тынг хорз хъуыддаг у рæзгæ фæлтæрæн, – зæгъы театры директор Сихъоты Тимур. Чи зоны, æмæ фидæны искæйы бафæнда йæ цард театримæ сбæттын. Ацы программæ æххæстгонд цæуы ахуырады министрады æххуысæй. Сæрмагондæй Пушкины картæйæ спайда кæныны бон кæмæн нæу, ахæм рæзгæ фæлтæрæн.
