Скъоладзаутæ сæхи фæлвæрдтой хæцæнгарзимæ архайынæй æмæ æфсæддон спорты хуызтæм куыд арæхсынц, уымæй
Алагиры ацыд республикон æфсæддон – патриотон проект «Æфсæддон спорты хуызтæй спартакиадæ». Ерысты архайдтой Алагиры районы скъолаты ахуырдзаутæ. Алы ахуыргæнæндонæй дæр 3 минæвары. Мадзалы райдиан кадджын уавæры хæрдмæ систой Уæрæсейы æмæ Цæгат Ирыстоны тырысатæ. Уый фæстæ уазджытæн равдыстой цымыдисаг программæ. Скъоладзаутæ сæхи фæлвæрдтой хæцæнгарзимæ архайынæй æмæ æфсæддон спорты хуызтæм куыд арæхсынц, уымæй. Рæзгæ фæлтæр сæ тых æвзæрстой хи хæрдмæ ивазынæй, мысан æхсынæй, стæй медицинон æххуыс бакæнынæй дæр. Республикæйы ахуырады æмæ наукæйы министр Алыбекты Эллæ куыд фæнысан кодта, афтæмæй ныртæккæ стыр æргом здæхт цæуы æфсæддон-патриотон хъомыладмæ.
