филиал вгтрк государственная телерадиовещательная компания “Алания”

Алагиры дарддæр цæуы, Æрыдоны цæугæдоны сæрты цы хид ис, уый рацарæзт. Куыстытæ цæуынц машинæты фæндаг «Дзæуджыхъæу-Алагир»-ы 33-æм километры. Объекты иумæйаг дæргъ у километр æмæ 5 сæдæ метры. Бæлвырддæр та дзы ис хид æмæ, Уæллаг Бирæгъзæнджы уылты чи цæуы, уыцы æфсæнвæндаджы хай. Æдæппæтæй йыл хардзгонд æрцæудзæн 1 миллиард æмæ 7 сæдæ мин сомы. Куыстытæ дзы райдыдтой ивгъуыд азы дыккаг æмбисæй. Кæронмæ та хъуамæ фæуой 2021-æм азы. Подрядон организацийы куыд загътой, афтæмæй алцыдæр цæуы пъланмæ гæсгæ. Кусджытæ æмæ дзы техникæ фаг кæнынц.