Цалцæггæнинаг сты трансформатортæ дæр. 30 азы ивд нæ цыдысты, уый аххосæй электрон тых хæдзæрттæм цыд лæмæгъ.
Æдасдзинады домæнтæ æххстгæнгæйæ. Алагиры ивд цæуынц электрон тыхдæттæг телтæ æмæ сæ хъайвантæ. Цалцæггæнинаг сты трансформатортæ дæр. 30 азы ивд нæ цыдысты, уый аххосæй электрон тых хæдзæрттæм цыд лæмæгъ. Ныр специалисттæ зæрдæ æвæрынц, а-дыууæ боны фарста лыггонд кæй æрцæудзæн, ууыл.
Алы хæдзармæ дæр рухс. Алагиры ныртæккæ цæуы электрон хызты бындурон рацарæзт. Цалдæр азы размæ горæты электрон хызты хæдзарад радтой компани «Уæрæсейы хызтæ. Цæгат Кавказы» филиалæн. Специалистты бæрæггæнæнтæм гæсгæ, уыдысты заууат уавæры. Хъуыдис элетронтыхдæттæг телты æмæ трансформаторты æвæстиат бындурон цалцæг.
Æфсæнвæндаггон станцæйы районы цæрджытæ арæх хъаст скодтой, электрон тых сæм фаг бæрцæй кæй нæ хæццæ кодта, ууыл. Специалисттæ фарста алыг кæндзысты а-дыууæ боны — энергетикты дыууæ бригадæйы ивынц уæлдæфон телтæ.
Зæронд электрон хызтæ цыдысты бынæттон цæрджыты зæххыты уылты. Ныртæккæ та энергидæттæг телты æфсæнбетон цæджындзтæ сæвæрдзысты æндæр, æдасдæр ран.
Æдæппæтæй афæдзы кæронмæ районы электрон хызты специалисттæ сцалцæг кæндзысты телты фондз километры æмæ дæс трансформаторон дæлстанцæйы. Ахæм куыстытæ ма специалисттæ сарадзысты Алагиры районы æндæр рæтты.
