Куыстытæ æххæстгонд цæуынц паддзахадон программæ «Цæгат Кавказы федералон зылды райрæзт»-мæ гæсгæ
Нуазæн донæй баххæст кæнын суанг республикæйы дæрддзæф хъæутæ дæр. Алагиры районы дарддæр цæуы хæххон хъæуты доны хызты реконструкци. Куыстытæ æххæстгонд цæуынц паддзахадон программæ «Цæгат Кавказы федералон зылды райрæзт»-мæ гæсгæ. Ныртæккæ ног хæтæлтæ æвæрынц Буроны, Садоны, Галоны, Уæллаг Зджыды æмæ Уыналы. Бæлвырддæр радзурдзæн Хъайтмазты Дзерассæ.
Сыгъдæг нуазæн дон æмæ йæ æнæкъуылымпы цыд. Уыналы цæрджытæн уый диссаг у. Хъуыддаг та æцæгдæр афтæ у: дон хæдзæрттæм хæццæ кæны кæнæ зианхæссæг хауæддзæгтимæ, кæнæ та уæвгæ дæр нæ хæццæ кæны. Уавæр æрмæст ис хуызы ис сраст кæнын – æххæстæй баивын дондзæуæн системæ. Хуымæтæг цалцæгæй фарста нал алыг уыдзæн.
Уыналы куыстытæн сæ 50 проценты бæрц æххæстгонд сты. Цæмæй ног дондзæуæн системæ фылдæр фæлæггад кæна, уый тыххæй траншейы фыццаг æвæрынц сæрмагонд цъар, уый фæстæ та хæтæлтæ. Ацы хъуыддаг цæрджытæн ахсджиаг у. Зын уавæры уыдысты. Æрмæст чъизи донæй нæ тыхстысты, системæйы æдзух уыд аваритæ, æмæ сæ адæм сæхæдæг иуварс кодтой.
Ног хæтæлтимæ фæзындзæн зынгсирвæзтыты æдасдзинады ног системæ дæр. Кусджытæ æвæрынц гидранттæ. Сæрмагонд бæрцуатты æмбырд кæндзæн дон. Гæнæн дзы уыдзæн зынгсирвæзт хуыссын кæнынæн пайда кæнын.
Фæлæ уæддæр фыццаградон хæс у, адæмы нуазæн донæй æххæст кæнын. Æрмæст Уыналы нæ, проектмæ бахаудысты Уæлладжыры комы иннæ хъæутæ дæр.
Æвæрд æрцæудзысты дон цæттæгæнæн станцæтæ дæр. Се руаджы дон сыгъдæггонд æмæ фильтрацигонд цæудзæн. Нысангонд фæткмæ гæсгæ, æппæт куыстытæ хъуамæ фæуой 2025-æм азы кæронмæ.
