Уый тыххæй аппаратон æмбырды фехъусын кодта вице-премьер Томайты Ирбег
Алагиры районы зæйтæ рацæуынæй тæссаг кæй у, уымæ гæсгæ снысан кодтой цæттæдзинады сæрмагонд фæтк. Уый тыххæй аппаратон æмбырды фехъусын кодта вице-премьер Томайты Ирбег. Бæрæггонд куыд у, афтæмæй хæххон хъæуты дарддæр цæуынц, æрæджы тыхджын дымгæ кæй ныппырх кодта, уыцы электрон тыхы системæ снывыл кæныны куыстытæ. Æбырды ныхас цыди республикæйы грипп æмæ æндæр хæцгæ низты æмвæзадыл дæр. Фæлхасадмæ цæстдарды управленийы бæрæггæнæнтæм гæсгæ, эпидемиологон уавæр у, цы мбæлы, уымæй фылдæр, фæлæ адæм дохтыртæм æххуысагур цæуынц къаддæр. Цæгат Ирыстоны Сæргълæууæг фиппаинæгтæ æрхаста æнæниздзинадхъахъхъæнынады министрады куыстмæ, чи нæ кусы, ахæм фельдшерон-акушерон пунктты уавæры тыххæй афойнадыл кæй нæ фехъусын кодтой, уый тыххæй. Медицинон пункттæ æгуыстæй лæууынц ныр мæй æмæ рдæг. Аипдзинæдтæ æрхаста республикæйы финансты министрады куыстмæ дæр. Ведомствæйы разамонæг Исахъты Олег æфхæрд баййæфта, республикæйы арæнтæй кæ ахызт, æмæ бæрæгбæтты агъоммæ куысты мызд фидынимæ къуылымпыдзинæдтæ кæй сæвзæрд, уый тыххæй. Сергей Меняйло бацамыдта, республикæйы Цæгат Ирыстоны муниципалон скондты бюджетты хъуагдзинæдтæ сты 1 млрд æмæ 129 милуан сомы бæрц. Уавæрмæ цæстдард цæуы хъалонты службæйы æмæ тæрхондæтты пъырыстыфты рдыгæй. Сергей Меняйло тыхы структурæтæн бахæс кодта, ног азы бæрæгбæтты рæстæг сæ куысты фæтк фæкарздæр кæнын. Тагъд æххуысы службæтæ хъуамæ суткæгай кусой æнæкъуылымпыйæ, загъта сæргълæууæг.
