Баст у рагон традицитæ ног кæнынимæ æмæ сæ, сæйрагдæр та, бахъахъхъæнынимæ, стæй дзæнгæрджыты æрмадзты историйы ног сыфтæ гом кæнынимæ
Аланийыл саргъуыды 1100 азы боны мадзæлтты фæлгæты райдыдта дзæнгæрджыты зæлты фæстиваль. Баст у рагон традицитæ ног кæнынимæ æмæ сæ, сæйрагдæр та, бахъахъхъæнынимæ, стæй дзæнгæрджыты æрмадзты историйы ног сыфтæ гом кæнынимæ. Æртæ боны профессионалтæ, аргъуанты æмæ дзæнгæрджыты аивады скъолаты службæгæнджытæ аразынц дæсныйадæвдисæг ахуыртæ, кæй фæнды, уыдонæн се ппæтæн дæр. Уый у уникалон фадат, ацы аивадимæ хæстæгдæр базонгæ уæвынæн, удыхъæд æмæ мидхъуыдытæ ссыгъдæг кæнынæн. Республикæйы цæрджыты æмæ уазджыты раз сæ курдиат равдыстой Мæскуыйы профилон скъолайы минæвæрттæ.
Фетиваль байгом кæныны бон уыди Валаамскы моладзандоны зарæггæнджыты концерт. Солисттæ азарыдысты чырыстон культурæимæ рагон мотивтæ æмæ патриотон зарджытæ. Ирыстоны зæххыл ацы къорд фыццаг хатт нæй.
