Бæхты егъау уæрæсейаг фестиваль «Иваново поле» ныр 5-æм хатт сæмбырд кæндзæн, бæхтимæ архайын чи уарзы, æмæ семæ чи кусы, ахæм мингай адæмты
Алы бæстæтæй 500 артисты æмæ спортсмены, 60 дæсныйадæвдисæг ахуыры, цымыдисаг шоутæ æмæ æрмæст уый нæ. Бæхты егъау уæрæсейаг фестиваль «Иваново поле» ныр 5-æм хатт сæмбырд кæндзæн, бæхтимæ архайын чи уарзы, æмæ семæ чи кусы, ахæм мингай адæмты. Цæгат Ирыстоны кад дзы дыккаг аз хъахъхъæны бæхты театр «Нартæ«. Не мзæххонтæ дзы равдисдзысты «Посвящение семерым», ссардтой дзы 21 азы размæ Хъолайы цъитийы бын чи фæци, сæ уыцы æмкусджыты рухс ном. Уæд, бæхты театры 7 артисты уыдысты Сергей Бодровы сфæлдыстадон къорды хыгъды. Иууылдæр баззадысты ихы, миты дурты æмæ ламидæтты бын. Театры разамынды ныхæстæм гæсгæ, ацы спектакль сæвæрыны размæ аныхас кодтой æмæ разыйы дзуапп райстой се дзард æмкусджыты хæстæджытæй. Спектаклы 7 сæйраг сурæты артисттæ равдыстой иттæг хорз. Ацы театр нымад у уникалоныл, уымæн æмæ Уæрæсейы у иунæг паддзахадон бæхты – драмон театр. Бæхыл бадыны фæтк, уыимæ ирон барджыты æгъдауимæ, хореографи, драматургия, вокалон æмæ цирчы аивад адæмы зæрдæты гуырын кæнын бирæ рæсугъд æнкъарæнтæ. Уымæн та æвдисæн – æгæрон къухæмдзæгъд.
